الرئيسية
السلام عليكم..
دخ ـول:
وش اقرد من انك تنولد بيوم حرب؟
من انولد عقب الحرب مثلي
بالبداية..
تحيه ملؤها..الحب والوئام والقنابل في كل زمان.
ام صدام حسين عايشتن بالمجمعه>>ديرتنا خخخ
تبون تعرفون وش مصدر هالاشاعه... تعالو معي
مايخفى على الجميع ايام صدام حسين يوم يثور بالكويت الشقيقه ..
صح هي كانت سنة ازمه وصواريخ ورعب عامر ارجاء البلاد
لكن كانت على عايلتنا سنة خير وجمعة ولمه .. وزي مايقول المثل رب ضارة نافعه
عاد هذا اللي صار...
بينما ام صالح تقهوي ابو صالح ضحى يوم الجمعه.. (وام صالح سديراويه المنشأ ومازال قلبها بالمجمعه)
مثل مايقولون القلب يخفق في مكان..والروح تعيش في مكان
بالظبط. هذي اللي صاير مع ام صالح .
وام صالح ينطبق عليها كلمة ( ملكعه وتبي تستغل كل الظروف لصالحها)
وتبي تقنع ابو صالح انهم يروحون لاجئين للمجمعه في وسط هالظروف.. ومهيب عارفتن شلون تقنعه
ام صالح : تدري ياابو صالح.. ام صدام حسين ومرته التاليه بالمجمعه
( اهم شي مرته التاليه.. مدري ورى مااكتفت بقول مرته وقضينا).
ابو صالح: وش يزينون بالمجمعه ؟
ام صالح: يتفنجلن ..وش يزينن يعني.. يحتمن فيها
ام صالح تستطرد: هو مايامن على اهله وذويه الا بالمجمعه.. يقول فيها طمئنينه ماعمري شفتها بمكان
لا ويقول بعد المجمعه مافي امل اظربها بالصواريخ دام امي فيها
ابو صالح:صدز عاد؟ ..ياليت من يحس بالامان على نفسه وعلى اهله هالايام بعد
ام صالح: صادز تبي تخلي المجمعه للغرب وحنا اولى؟؟
.. والله مانخليها
( ام صالح وهي تلولش بيدينها ) : حنا اولى.. حنا اهلها.. حنا ودتها..
ابو صالح بدى يقلبها بمخه.. وراح دق على عمنا الكبير هناك
ابو صالح: هلابو فلان.. بسألك شلون الاوضاع عندكم..
عمنا : والله الحمدلله كلش تمام..ولانسمع صواريخ ولاشي
سكر منه ابو صالح.. وراح يناقش هالشي مع امه واخوانه..
من باتسر انطلقو 10 سيارات من رياض ذهابا للمجمعه..
رحنا لبيت عمنا ورى هكا السد.. وليتهم اكتفو بهالشي
نادو اخواتهم ورجالهم وعيال اخواتهم.. وخوالهم
( هما المجمعه ااااااامنه..يكفي ان ام صدام حسين متغبيتن فيها)
كل من دخل واحد قالو له : الضيق بالانفس الضيق بالانفس
وصارو يحسون ان البيت صدق وسيع عليهم..
وام صالح ماتسعها الارض من الفرحه
يوم في بيت اهلها.. ويوم في بيت خويتها ايام المعهد..
ويوم عند الدكان تشري حلويات .. عن قولها كلش بالمجمعه غير حتى ميرندتهم
وصلت لدرجة انها راحت للقصيم تجيب كراث وترجع.
ولاجا الصباح يروحون ابونا للرياض بسيارة واحده لاجل الدوامات.. ويرجعون متى ماقضو
والحريم اخر وناسه
لا جا العصر استدنو الشاهي مع حب المجمعه و كراث القصيم.. وهاااااااتها ياسوالف وفله
ولا جا المغرب.. نزلت عمتنا تسوي الحنيني والفريك.. ولاها على جيت رجالنا
بس الرجال ماش شافو الوضع صعب..يوميا رايحين راجعين..
وش الله حادهم.. .. والوضع بالرياض تمام ولابه صواريخ
اتفقو انهم يرجعون للرياض..
اول مارجعو .. ظرب صاروخ مدرسة نجد
ومافرح الا ام صالح فيه..تدق تشيش حريمنا كووه نرجع المجمعه
الزم ماعلى الواحد عمره..مهابيل حنا نقعد تحت القصف؟ وديارنا فاتحتن اكفها لنا؟
في احد يبي الهلاك ويبحث عنه؟.. وش هالقراده فينا؟؟
والله وطلعت ماتلعب ورجعتهم للمجمعه ام صالح.. من باكر الصبح
بس مااش البيت ضيق والانفس فيه واجده..
فـ راحت خالتنا مع عيالها تسكن بشقه..
ومن سعة صددوور حريمنـآ طقوها زيارات ومباركه وعساها شقة عامره بالافراح
وصارت دوريه بيناتهم..
يوم في بيت عمنا...
ويوم عند اهل ام صالح
ويوم بشقة الخاله
ومن زود الفقش تقول ام صالح : ياحليلها ام صدام ..داقتن علي اليوم ام محمد العميا تقول وش حليلها والله وسيعة صدر
ليت من يصلح شابوره ويروحلها بس والله ماهقيت رجالنا يوافقون.
ــــــــــــــــــــ
عاد لين جا اليووم اللي سر الجميع.. خبر انسحاب القوات العراقيه من الكويت وتحرير الكويت
قروو الرجوع للرياض ..
يحلفون انه بهذيك الليله ام صالح (بالغلط) قالت: جعل والدينك بالجنه ياصدام يوم انك جمعة شملنا
ـــــــــــــــــــــــــــــــ
وعلى طلعة اهلنا .. طلع راعي الدكان (اللي ام صالح مسنتره عنده) وعيناه تلمع كما النجف من الدموع
تقدم للعم ابو صالح ومعه ثلاث علب ميرندا.. يقول : هزا هديه لام صالح..
وشاقن مربع من كرتون الماء وكاتب عليه ( ام صالح.. بالخط السلاني)
طلوع :
( عشان تعرفون ان ورى كل اشاعه ظريفها حرمه.. )
لله درهن
برايفت
1ـ يقال انه طايحن صاروخ ورا بيتنا القديم
2ـ يقال ايضا على لسان صدام انه الله يرحمه كان يبي يستولي على الرياض عن طريق المجمعه ياويلكم
وشكرا لكم
م/ن 8)
دخ ـول:
وش اقرد من انك تنولد بيوم حرب؟
من انولد عقب الحرب مثلي
بالبداية..
تحيه ملؤها..الحب والوئام والقنابل في كل زمان.
ام صدام حسين عايشتن بالمجمعه>>ديرتنا خخخ
تبون تعرفون وش مصدر هالاشاعه... تعالو معي
مايخفى على الجميع ايام صدام حسين يوم يثور بالكويت الشقيقه ..
صح هي كانت سنة ازمه وصواريخ ورعب عامر ارجاء البلاد
لكن كانت على عايلتنا سنة خير وجمعة ولمه .. وزي مايقول المثل رب ضارة نافعه
عاد هذا اللي صار...
بينما ام صالح تقهوي ابو صالح ضحى يوم الجمعه.. (وام صالح سديراويه المنشأ ومازال قلبها بالمجمعه)
مثل مايقولون القلب يخفق في مكان..والروح تعيش في مكان
بالظبط. هذي اللي صاير مع ام صالح .
وام صالح ينطبق عليها كلمة ( ملكعه وتبي تستغل كل الظروف لصالحها)
وتبي تقنع ابو صالح انهم يروحون لاجئين للمجمعه في وسط هالظروف.. ومهيب عارفتن شلون تقنعه
ام صالح : تدري ياابو صالح.. ام صدام حسين ومرته التاليه بالمجمعه
( اهم شي مرته التاليه.. مدري ورى مااكتفت بقول مرته وقضينا).
ابو صالح: وش يزينون بالمجمعه ؟
ام صالح: يتفنجلن ..وش يزينن يعني.. يحتمن فيها
ام صالح تستطرد: هو مايامن على اهله وذويه الا بالمجمعه.. يقول فيها طمئنينه ماعمري شفتها بمكان
لا ويقول بعد المجمعه مافي امل اظربها بالصواريخ دام امي فيها
ابو صالح:صدز عاد؟ ..ياليت من يحس بالامان على نفسه وعلى اهله هالايام بعد
ام صالح: صادز تبي تخلي المجمعه للغرب وحنا اولى؟؟
.. والله مانخليها
( ام صالح وهي تلولش بيدينها ) : حنا اولى.. حنا اهلها.. حنا ودتها..
ابو صالح بدى يقلبها بمخه.. وراح دق على عمنا الكبير هناك
ابو صالح: هلابو فلان.. بسألك شلون الاوضاع عندكم..
عمنا : والله الحمدلله كلش تمام..ولانسمع صواريخ ولاشي
سكر منه ابو صالح.. وراح يناقش هالشي مع امه واخوانه..
من باتسر انطلقو 10 سيارات من رياض ذهابا للمجمعه..
رحنا لبيت عمنا ورى هكا السد.. وليتهم اكتفو بهالشي
نادو اخواتهم ورجالهم وعيال اخواتهم.. وخوالهم
( هما المجمعه ااااااامنه..يكفي ان ام صدام حسين متغبيتن فيها)
كل من دخل واحد قالو له : الضيق بالانفس الضيق بالانفس
وصارو يحسون ان البيت صدق وسيع عليهم..
وام صالح ماتسعها الارض من الفرحه
يوم في بيت اهلها.. ويوم في بيت خويتها ايام المعهد..
ويوم عند الدكان تشري حلويات .. عن قولها كلش بالمجمعه غير حتى ميرندتهم
وصلت لدرجة انها راحت للقصيم تجيب كراث وترجع.
ولاجا الصباح يروحون ابونا للرياض بسيارة واحده لاجل الدوامات.. ويرجعون متى ماقضو
والحريم اخر وناسه
لا جا العصر استدنو الشاهي مع حب المجمعه و كراث القصيم.. وهاااااااتها ياسوالف وفله
ولا جا المغرب.. نزلت عمتنا تسوي الحنيني والفريك.. ولاها على جيت رجالنا
بس الرجال ماش شافو الوضع صعب..يوميا رايحين راجعين..
وش الله حادهم.. .. والوضع بالرياض تمام ولابه صواريخ
اتفقو انهم يرجعون للرياض..
اول مارجعو .. ظرب صاروخ مدرسة نجد
ومافرح الا ام صالح فيه..تدق تشيش حريمنا كووه نرجع المجمعه
الزم ماعلى الواحد عمره..مهابيل حنا نقعد تحت القصف؟ وديارنا فاتحتن اكفها لنا؟
في احد يبي الهلاك ويبحث عنه؟.. وش هالقراده فينا؟؟
والله وطلعت ماتلعب ورجعتهم للمجمعه ام صالح.. من باكر الصبح
بس مااش البيت ضيق والانفس فيه واجده..
فـ راحت خالتنا مع عيالها تسكن بشقه..
ومن سعة صددوور حريمنـآ طقوها زيارات ومباركه وعساها شقة عامره بالافراح
وصارت دوريه بيناتهم..
يوم في بيت عمنا...
ويوم عند اهل ام صالح
ويوم بشقة الخاله
ومن زود الفقش تقول ام صالح : ياحليلها ام صدام ..داقتن علي اليوم ام محمد العميا تقول وش حليلها والله وسيعة صدر
ليت من يصلح شابوره ويروحلها بس والله ماهقيت رجالنا يوافقون.
ــــــــــــــــــــ
عاد لين جا اليووم اللي سر الجميع.. خبر انسحاب القوات العراقيه من الكويت وتحرير الكويت
قروو الرجوع للرياض ..
يحلفون انه بهذيك الليله ام صالح (بالغلط) قالت: جعل والدينك بالجنه ياصدام يوم انك جمعة شملنا
ـــــــــــــــــــــــــــــــ
وعلى طلعة اهلنا .. طلع راعي الدكان (اللي ام صالح مسنتره عنده) وعيناه تلمع كما النجف من الدموع
تقدم للعم ابو صالح ومعه ثلاث علب ميرندا.. يقول : هزا هديه لام صالح..
وشاقن مربع من كرتون الماء وكاتب عليه ( ام صالح.. بالخط السلاني)
طلوع :
( عشان تعرفون ان ورى كل اشاعه ظريفها حرمه.. )
لله درهن
برايفت
1ـ يقال انه طايحن صاروخ ورا بيتنا القديم
2ـ يقال ايضا على لسان صدام انه الله يرحمه كان يبي يستولي على الرياض عن طريق المجمعه ياويلكم
وشكرا لكم
م/ن 8)
